--ഭ്രാന്ത്--

ഏറ്റവും വലിയ ക്രൂരനാരാണന്നു
ചോദിച്ചാൽ അതുനീയാണ്.
ഏറ്റവും നല്ലവനാരെന്ന
ചോദ്യത്തിനുത്തരവും നീ തന്നെ.
ഏറ്റവും ഇഷ്ടപ്പെടുന്നതും
നിന്നെത്തന്നെയാണ്,
അതുകൊണ്ടുതന്നെയല്ലെ
എന്നെ വെറുക്കണമെന്ന്
നീ ആഗ്രഹിച്ചതും.
വിശ്വേത്തരപ്രണയത്തിൻറ്റെ
വിത്തെന്നിൽ പാകിയിട്ടു
മുങ്ങിയ പ്രിയ കാമുകാ നിന്നെ
ഞാൻ വെറുക്കുന്നു
അധികം പ്രണയിക്കുമെങ്ങിൽ
ഇനിയും വെറുക്കാം.
മനസിനോടു ചേർത്തു നിർത്തിയാൽ
കൂടുതൽ വെറുക്കാം.
എന്തുകൊണ്ടെന്നാൽ
നീ എൻറ്റെ പ്രാണനാകുന്നു.
അതുകൊണ്ടാണ് ഞാൻ
വെറുക്കണമെന്ന നിൻറ്റെ ആഗ്രഹം
ഈ നിബന്ധനകളിലൂടെ
സാധിച്ചു തരാം എന്നുവച്ചതും.
എന്തുകൊണ്ടാണു ഞാനീ
പ്രഹേളികയിലകപ്പെട്ടത്.
പ്രണയിച്ചു ഭ്രാന്തായതാണന്നതു
തന്നെ ഉത്തരം.